Skan # kawxinaqil: Watx’ k’al masank’ulal mulnajb’al
Stxolil mulnajil: Chi kollay unin yin masanil
Hoq illaytoq sch’ib’ heb’ kuywom yin skuyoj Watx’ hoq ayjoq ek’ heb’ kuywom, hoq ojtaqnelay heb’ kax hoq kollay heb’ b’ay yatutal kuyoj.
Junti’ yowalil chi kawxi yujtol yowalil chi illaytoq skawxinaqil heb’ kuywom b’ay kajan k’al sq’inal yet axka chi yi’ajteq heb’ sk’ul kuywi b’ay yatutal kuyoj. Masanil sb’eyb’al heb’ kuywom ib’il ok yetoq hoq ok yip kax hoq kollay heb’ ta ay skawinaqil heb’ chi illay okoq.
Watx’ b’ay hoq kuywoq heb’ yet axka maj sna’ heb’ sb’eqonkan skuyoj yet axka watx’ hoq kuywoq heb’ kax watx’ junoq sb’e heb’ hoq ssik’ yin sq’inal.
Masanil yatutal kuyoj hoq watx’nej junoq wajmulnajil yin junjun maqan kuyoj (MTSS) k’al wajmulnajil yin tencheb’al yin watx’nab’al (PBIS) yetoq kuyoj yet watx’ chi kollay heb’ kuywom yin skawinaqil chi stx’oxeloq. Hoq mulnaj masanil yatutal kuyoj yetoq jun stxolil mulnajil b’aytal hoq illay skawxinaqil kuywom yin skajayi k’al snab’al heb’ kax ta ay kuywom hoq q’anonoq, hoq kollay heb’ yetoq syayilal. Tzetal hoq ek’toq yetoq heb’ kuywom a hoq alonoq tzetal chi uj swatx’ji okoq ma k’exlay b’ay yatutal kuyoj.
Yilb’al swatx’ilal kuyoj: hoq ayteq sb’isil heb’ kuywom yob’taq sb’eyb’al kax hoq aj sb’isil heb’ kuywom chi apni yin kuyoj.
Stxolil mulnajil: Ocheb’il heb’ yetoq sb’eyb’al k’al ti’ej chi yala’
Xiwilxa b’aylaq petoj heb’ kuywom yujxan watx’ hoq yun kuywoq heb’, Jojtaq tol tx’oqtx’oq skajay junjun b’ay petoj, yujxan hoq okk’al yip jun stxolilal skajay heb’ tu’.
Ta watx’ yayji junoq yatutal kuyoj kax tol chab’il yapni anima masanil, heb’ kuywom, heb’ mulnajwom k’al yet ajnahil heb’ kuywom hoq apnoq ok heb’ yin tzalojk’ulal yujtol yojtaq heb’ tol ay yelapnoq heb’. Yet ay yelapnoq junoq konob’, hoq kolwaj heb’ anima tu’ kuyon yuninal b’ay yatutal kuyoj k’al yaq’on ok sb’a yin kuyoj ma wajanil chi ok b’ay junoqxa na.
Hoq yilok heb’ kuywom tol tzetal chi skuy heb’ ay swatx’ilal yin sq’inal heb’ kax tol ay b’ay toxa max yil heb’. Junti’ chi yal elapnoq tol kuyoj lanan skolwaj yetoq heb’, axka tu’ tol hoqte’ yi’ajteq heb’ sk’ul toj kuyoj junjun k’u. Masanil maktxel hoq mulnajoq ak’al ok heb’ kajan b’ay kajan heb’ kuywom. Watx’ hoq yun kawxi b’aytal hoq ok kuyoj, man k’exanoq yintaq sb’eyb’al heb’ kuywom kax tol ay yelapnoq sti’ heb’ chi yal junjun, Kayk’apax tu’ hoq yun b’ay junjun yatutal kuyoj, chab’il yapni maktxel chi yochej chi toj ilon yatutal kuyoj tu’.
Junti’ chi yal elapnoq tol hoq ok wajmulnajil yetoq heb’ mamej txutxej yet chi el jun sk’exanil tu’ sxol heb’ kax a kuywajwom hoq iqb’anwoq yin jun mulnajil ti’. Hoq yaq’ok sb’a heb’ kuywom yin tzet chi kawxi b’ay kajan yet axka tu’ hoq uj yalontoq heb’ yet kax hoq spojel heb’ snab’al sxol anima. Junoq mulnajil ma junoq wajmulnajil hoq swatx’nej yatutal kuyoj hoq stx’oxel sk’exkixhtaqil ay b’ay kokonob’. Masanil yatutal kuyoj watx’ hoq yun skawxi kax tol hoq stx’oxq’ab’nej el sb’eyb’al konob’ b’ay Shelton.
Yilb’al swatx’ilal kuyoj: hoq ayteq sb’isil heb’ kuywom yob’taq sb’eyb’al kax hoq aj sb’isil heb’ kuywom chi apni yin kuyoj.